Sejdiu: VV-ja s’pe lufton PDK-në, por PSD-në që s’ka vjedhë gjë dhe nuk është në Kuvend Foto: Driton Paçarada / Koha

Sejdiu: VV-ja s’pe lufton PDK-në, por PSD-në që s’ka vjedhë gjë dhe nuk është në Kuvend

09 October 2019 23:13

Ish-deputeti i Kuvendit të Kosovës nga radhët e PSD-së, Dardan Sejdiu, ka kritikuar qasjen e LVV-së në ditët e para pas daljes së rezultateve që e vendosin partinë e Albin Kurtit të parën.

Kjo pasi, sipas Sejdiut, VV-ja i fitoi zgjedhjet duke premtuar burg për hajna, mosndryshim të kufijve dhe rrëzim të PDK-së, raporton Koha.net.

Por thotë se “hajnat janë ende të lirë, për ndryshim të kufijve ende po flitet – kurse PDK vazhdon të jetë në Kuvend”, e në ndërkohë, thotë Sejdiu, “vazhdon lufta dhe linçimet kundër PSD-së, e cila nuk ka vjedhë gjë, nuk përkrahu ndarjen e vendit dhe – nuk është në Kuvend”.

“Lufta që vazhdon kundër PSD-së është shenjë dobësie. PSD pësoi humbje në zgjedhjet, por ajo do të vazhdojë përpjekjet dhe programin e vet. Është e drejtë e saj meqë jetojmë në shoqëri të lirë. Mirëpo, atë që po e vërej nga sulmet e pareshtura të militantëve të LV-së është bindja e tyre se politika është luftë, kurse fitorja është hakmarrje. Të parën mund ta vazhdojnë, por të dytën s’mund ta bëjnë. Së paku, jo në një shoqëri të lirë dhe demokratike, ku njeriu ka të drejtë të ketë bindje të ndryshme dhe të ndryshojë mendje saherë që do. Në anën tjetër, një parti që sot nuk është në Parlament, nuk do të duhej të kishte rëndësi për pushtetin e ri. Ai i fitoi zgjedhjet duke premtuar burg për hajna, mosndryshim të kufijve dhe rrëzim të PDK-së. E, këto nuk u zhdukën të hënën në mëngjes. Hajnat janë ende të lirë, për ndryshim të kufijve ende po flitet – kurse PDK vazhdon të jetë në Kuvend. Ndërkohë, vazhdon lufta dhe linçimet kundër PSD-së, e cila nuk ka vjedhë gjë, nuk përkrahu ndarjen e vendit dhe – nuk është në Kuvend”, ka thënë Sejdiu në një postim në Facebook.

Ai tha se shpreson që fitorja e LVV-së në zgjedhje nuk u arrit për ta linçuar PSD-në. E nëse po, thotë ai, “atëherë ne paskemi qenë arsyeja e vërtetë e së keqes në këtë vend – kurse qeverisjet e kaluara paskan qenë vetëm arsyetim elektoral”.

Në fund ai thotë se për çfarëdo ofendimi, sulmi dhe përpjekje për linçim “do të detyrohemi, si individë dhe si grup, t’i drejtohemi organeve të drejtësisë”.

“Kërkesat për internim të Kryetarit të Prishtinës meritojnë kallëzim penal. Së paku këtë mund ta bëjmë, tash pasi prej të hënës e tutje do të kemi drejtësi të ç’kapur nga kriminelët”, ka përfunduar Dardan Sejdiu.

© KOHA. Të gjitha të drejtat janë të rezervuara.

Komentet

arber10/10/2019 14:51

PSD-ja ia vodhi 2 vjet jetë VV-së sepse me emrin e saj u bëtë deputet dhe pastaj nuk i dorezuat mandatet dhe nuk hoqet dorë nda postet e privilegjet ( pozitat ne kuvend, pozitat si kryetarë komunash ect...) Po ta benit dhe te tregoheshit te drejtë e tevsinqertë, sot do te ishit rizgjedhur dhe me koken lartë do te qendronit dhe askush asnje fjalë nuk do t'ua thoshte....

Shto koment

Të ngjashme