Një grua e lënduar nga tërmeti i fuqishëm në Tiranë ka rrëfyer panikun për “News 24”.
Duke mos dashur të tregojë fytyrën, por vetëm pjesën e dëmtuara në trup, e lënduara tha se ndodhej brenda shtëpisë, kur fëmijët kishin filluar të bërtisnin.
Ajo tregoi për “News24” se kishte kapur menjëherë në krah çunin e mitur dhe gocën dhe ishte hedhur nga ballkoni.
Ku ndodheshit kur ra tërmet?
Brenda në shtëpi, filluan të bërtisnin fëmijët. Kapa në krah çunin dhe gocën dhe u hodha nga ballkoni. Shtëpia vende-vende është çarë.
Edhe
Shqiptarja në Itali u hodh nga ballkoni për të ikur nga burri që po e rrihte
Po fëmijët kanë pas lëndime?
Jo, vetëm se janë trembur, janë traumatizuar. Fëmijët kanë pas më shumë dëmtime psikologjike. Banesa është një katëshe.
Ka persona të tjerë të lënduar?
Nuk e di, thonë që ka, më shumë nga frika. Ashtu siç dola dhe unë.
Edhe
Raportohet për tri viktima nga tërmeti në Shqipëri
Sa fëmijë keni, banesa juaj është e banueshme?
Jo, mbrëmë kemi ndenjur deri vonë jashtë, pastaj kemi shkuar të flemë te nëna. Fëmijët janë te komshinjtë. Goca nuk ka vënë gjumë në sy fare.
