Nis mbledhja e kryesisë së LDK-së Foto: Koha

LDK-ja me vija të kuqe ndaj PDK-së, të hënën konfirmon kandidatin për kryeministër

Ridvan Hamza Ridvan Hamza 24 August 2019 11:16
13:54

LDK-ja sot ka mbajtur mbledhjen e Kryesisë me ç’rast ka vendosur se nuk do të bëjë koalicion me PDK-në, derisa konfirmohet se në mbledhjen e radhës do të konfirmohet kandidatura për kryeministër.

Besian Mustafa nga LDK ka thënë se në mbledhjen e radhës do të diskutohet për koalicionin e mundshëm me Vetëvendosjen, transmeton Koha.net.

“Nuk do të kemi koalicion me PDK-në. Në mbledhjen e radhës do të diskutohet për çështjen e koalicionit të mundshëm me Vetëvendosjen. Posti i kryeministrit i takon partisë më të madhe. Janë hapur diskutimet për mandatarin e LDK-së, por këto do të mbyllen të hënën”, u shpreh Mustafa.

Mustafa ka shtuar se në LDK ka mjaft kandidat që janë të përgatitur për të marrë postin e kryeministrit.

“Për momentin i vetmi pozicion është se s’do të kemi koalicion me PDK-në, e po diskutojmë për koalicion të mundshëm me Vetëvendosjen”, ka thënë ai.

12:32

Osmani pritet të jetë kandidate e LDK-së për kryeministre

LDK-ja është duke e mbajtur mbledhjen e Kryesisë me ç’rast do të vendosë për kandidatin e saj për kryeministër.

Koha mëson se kandidate e LDK-së për kryeministre pritet të jetë Vjosa Osmani.

Kujtojmë se në mbledhjen e Kryesisë së LDK-së nuk janë të pranishëm Lutfi Haziri e Agim Veliu.

11:16

Nis mbledhja e kryesisë së LDK-së

Ka nisur mbledhja e kryesisë së LDK-së, me ç’rast pritet të vendoset për emrin e mandatarit për kryeministër nga kjo parti, raporton KTV.

Kreu i kësaj partie, Isa Mustafa kishte deklaruar se mbledhja do të zgjasë derisa të dalë propozimi për kandidatin për kryeministër duke lënë të nënkuptohet se ajo edhe mund të zgjasë.

Mustafa dje kishte deklaruar se janë katër apo pesë kandidatë që do të mund të garonin për kryeministër.

© KOHA. Të gjitha të drejtat janë të rezervuara.

Komentet

Shto koment

Të ngjashme