Mosplotësimi i kërkesave çon në grevë 24-orëshe punëtorët e Aeroportit Foto: Alban Bujari / Koha

Mosplotësimi i kërkesave çon në grevë 24-orëshe punëtorët e Aeroportit

Norë Shabani 22 August 2019 06:30

Me një duartrokitje e kanë përfunduar grevën punëtorët e aeroportit ndërkombëtar të Prishtinës “Adem Jashari”.

Të mërkurën, në ditën e tretë të grevës, ata pasi që kanë qëndruar për gjashtë orë jashtë terminalit të Aeroportit, në ora 14:00, janë shpërndarë të qetë. Shkaku i grevës, të mërkurën, janë anuluar tri fluturime, ai për në Zurich, ai për Dusseldorf dhe ai për Stuttgart, shkruan sot “Koha Ditore”.

Ndërkohë që një aeroplan i paraparë të aterojë në Prishtinë nga Zurichu, ka ateruar në Shkup, dhe pastaj udhëtarët janë sjellë në Prishtinë nga Shkupi me autobus. Në disa fluturime të tjera ka pasur vonesa. Sindikalistët kanë thënë se nuk do të ndalen deri në plotësimin e kërkesave.

Por, në mbledhjen e mbajtur në orët e mbrëmjes të së mërkurës Kuvendi i Sindikatës ka vendosur që të enjten (sot), të mbajë grevë 24-orëshe. Ndërkohë që zyrtarë të Aeroportit kanë thënë se do të veprojnë në varësi të hapave që do të ndërmarrë Sindikata. Në grevën e së mërkurës nuk janë shënuar incidente... (shkrimin e plotë e gjeni në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme