Arbëri

Në UP u hap edicioni i nëntë i Panairit Virtual të Karrierës

Në UP u hap edicioni i nëntë i Panairit Virtual të Karrierës

Në Sallën “1 tetori”, të premten është hapur edicioni i nëntë i Panairit Virtual të Karrierës (PVK), i organizuar nga Qendra për Zhvillim të Karrierës e Universitetit të Prishtinës “Hasan Prishtina”, në bashkëpunim me projektin partner të GIZ-it, DIMAK Kosova. Edicioni i sivjetmë i PVK-së u mbajt së bashku me Panairin Nacional të Punës, të organizuar nga Ministria e Punës dhe Mirëqenies Sociale dhe partnerë të tjerë.

Të pranishmëve në këtë edicion iu drejtua me fjalë rasti rektori i UP-së, Marjan Dema, i cili bëri hapjen zyrtare të Panarit Virtual të Karrierës së UP-së. Ai uroi që ky panair të arrijë misionin e tij për gjetjen e vendeve të reja të punës dhe ofrimin e mundësive për zhvillim të karrierës.