Arbëri

Vazhdon bashkëpunimi ushtarak mes Kosovës dhe Shqipërisë

Foto: FSK
 

Ministri i Mbrojtjes i Kosovës, Rrustem Berisha, komandanti i Forcës së Sigurisë së Kosovës gjenerallejtënant Rrahman Rama kanë pritur në takime të ndara, komandantin e Komandës së Doktrinës dhe Stërvitjes të Forcave të Armatosura të Republikës së Shqipërisë, gjeneral brigade Bajram Begaj.

Gjatë takimeve u çmua lart bashkëpunimi i shkëlqyer ndërmjet dy ministrive përkatëse si dhe bashkëpunimi i frytshëm dypalësh ndërmjet të dy forcave të dy vendeve si dhe u theksua nevoja për intensifikimin e këtij bashkëpunimi edhe në të ardhmen në fushën e mbrojtjes, me theks të veçantë në fushën e arsimimit edhe edukimit ushtarak modern.