Arbëri

Selimi: Të bëhet bashkimi i Preshevës, Medvegjës dhe Bujanocit, por me Kosovën e bashkuar

Selimi: Të bëhet bashkimi i Preshevës, Medvegjës dhe Bujanocit, por me Kosovën e bashkuar
Foto: Deputeti i Vetëvendosjes, Rexhep Selimi

Lëvizja Vetëvendosje mbajti konferencë për media në lidhje me të drejtat e shkelura të shqiptarëve në Preshevë, Medvegjë dhe Bujanoc, ku foli anëtari i Kryesisë dhe deputeti Rexhep Selimi. Ai tha se gjendja e shqiptarëve në Kosovën Lindore mbetet e nderë, pa zgjidhje dhe shumë herë e manipuluar nga forcat politike shqiptare.

“Të gjithë mekanizmat diplomatikë të Kosovës dhe Shqipërisë janë pezulluar nga revanshi i Thaçit dhe nuk po merren me kritikat zyrtare ndaj Serbisë për kapitujt 23 dhe 24 kushtëzuar nga BE-ja, që kanë të bëjnë me sistemin e drejtësisë, të drejtat e pakicave kombëtare dhe krimet e luftës. Po ashtu, këtu nuk përjashtohet edhe kapitulli 35, që ka të bëjë me Kosovën. Ndërkohë, aktualisht Serbia vepron në mënyrë të organizuar drejt zmbrapsjes së heshtur të luginës së Preshevës nga shqiptarët. Në këtë vit po bëhen 20 vite prej masakrave që shteti serb ka kryer anekënd Kosovës dhe nuk gjendet aktualisht asnjë i dënuar apo i hetuar për krime lufte lidhur me këto masakra. Edhe një që ishte për rastin e krimeve në Podujevë u lirua pa përfunduar dënimin vitin që shkoi nga gjykata”, tha ai.