Arbëri

Prokurori: Po punohet intensivisht për ta mësuar gjendjen që kishte shoferi para aksidentit me fatalitet afër Tetovës

Prokurori: Po punohet intensivisht për ta mësuar gjendjen që kishte shoferi para aksidentit me fatalitet afër Tetovës
 

Prokurori Publik nga Prokuroria Themelore Publike e Shkupit, bashkë me ekipin e MPB-së, sot kanë mbaruar ekspertizën në vendngjarje të aksidentit të mbrëmshëm në rrugën Shkup-Tetovë ku humbën jetën 14 udhëtarë dhe shumë të tjerë mbetën të lënduar.

“Intensivisht po punohet në vërtetimin e të gjitha detajeve, të cilat do të mund të zbulonin shkaqet e aksidentit. Autobusi i kompanisë “Durmo Turs” është marrë nga vendi i ngjarjes dhe me urdhër të Prokurorit Publik mbi të do të kryhet kontroll teknik i detajuar nga ana e Fakultetit të Makinerisë në Shkup. Nga informatat e deritanishme flitet se bëhet fjalë për autobus të vitit 2001, dhe se për herë të fundit ka qenë i regjistruar në janar të viti 2019”, thuhet në njoftimin e Prokurorisë, nga ku shtojnë se në kohën e aksidentit tek vozitësi nuk është regjistruar prezencë e alkoolit, barnave dhe substancave psikotrope, raporton Alsat.