SBASHK-u s’e pranon ofertën e Haradinajt, greva vazhdon Foto: Driton Paçarada

Zyrtare: SBASHK-u s’e ndal grevën, refuzon ofertën e Qeverisë

Edona Kutleshi Edona Kutleshi 20 January 2019 20:11
21:02

SBASHK-u ka dal me vendim përfundimtar pas takimit me kryeministrin e Kosovës, Ramush Haradianj, në Qeverinë e Kosovës.

Greva nuk ndalet, e oferta e kreut të ekzekutivit refuzohet.

“Të nderuar anëtarë të SBASHK-ut dhe punonjës të të gjitha institucioneve arsimore ju informojmë se sonte në orët e vona të mbrëmjes (në orën 19:00) në objektin e Qeverisë, kryetari Jasharaj u takua me kryeministrin Haradinaj dhe ministrin Bytyqi ku mori një ofertë në formë të shkruar nga kryeministri Haradinaj në të cilën ofertë kishte ngritje të koeficientit prej 0.2 vetëm për mësimdhënësit e arsimit parauniversitar (nga çerdhet e deri tek shkollat e mesme), që është rreth 10 % e ngritjes së koeficiontit. Kjo ofertë nuk i plotëson kërkesat e SBASHK-ut, aq më shumë pasi që nuk janë përfshirë punëtorët teknikë, punëtorët administrativë si dhe i tërë sistemi universitar”, thuhet në njoftimin nga SBASHK-u.

“Ju njoftojmë se greva vazhdon edhe ditët ne vijim më shpresën se dialogu do të vazhdojë deri në plotësimin e kërkesave të anëtarësisë”, thuhet më tej.

20:11

SBASHK-u s’e pranon ofertën e Haradinajt, greva vazhdon

Kryetari i SBASHK-ut, Rrahman Jasharaj, ka thënë për KP se greva në arsim do të vazhdojë.

Duke iu përgjigjur ofertës së qeverisë, ai ka thënë se SBASHK-u s’është i kënaqur me propozimin për rritje 10 për qind.

“Oferta e Qeverisë është minimale. Disa sektorë nuk janë përfshirë fare, e disa të tjerë i bie që kanë rritje vetëm 10%. Dihet kërkesa jonë”, ka thënë ai. “Dihet, grevë do të ketë”.


Sindikata e Bashkuar e Arsimit, e Shkencës dhe e Kulturës me shumë gjasë nuk do ta pranojë ofertën e kryeministrit Ramush Haradinaj, për ngritjen e pagave.

Kjo, pasi sipas sindikalistëve, oferta e Qeverisë nënkupton ngritje të pagave vetëm për 10 për qind, derisa ata insistojnë që kjo ngritje të arrijë në 30 për qind të koeficienteve të punëtorëve të arsimit.

Lexo edhe: Qeveria: Kemi rritur pagat për arsimtarët për 20 milionë euro në vit, ftojmë SBASHK-un ta ndërpresë grevën

Ymer Ymeri, menaxheri për Financa në SBASHK, ka konfirmuar për Kohën Ditore, se brenda pak minutash do të mblidhet Këshilli Drejtues i SBASHK-ut, ku do të merret vendimi përfundimtar rreth pranimit ose jo të ofertës.

“Ngritja prej 10 për qind është shumë e vogël në krahasim me atë që ne po e kërkojmë, dhe në bazë të deklarimeve që i morëm deri tash nga anëtarët e Këshillit, oferta ka gjasa do të refuzohet”, ka thënë ai, duke shtuar se vendimi përfundimtar do të merret së shpejti.

© KOHA. Të gjitha të drejtat janë të rezervuara.

Komentet

Shto koment

Të ngjashme