Qytetarët dhe opozita e ftojnë Ahmetin të zgjedhë mes Prishtinës dhe Brukselit

Arbnora Luta 08 January 2019 21:28

Emërimi i Shpend Ahmetit si bashkëkryesues i Ekipit negociator në dialogun me shtetin serb, po shihet si i dëmshëm për Komunën e Prishtinës.

Opozita në Prishtinë e ka kritikuar Ahmetin, duke thënë se po i lë anash problemet e shumta, në cilat ndodhet komuna, raporton KTV.

Lidhja Demokratike e Kosovës angazhimin e Ahmetit në dialogun me Serbinë e sheh si arsyetim për dështimin me qeverisjen në Prishtinë.

Qytetarët thonë se angazhimi i tij në bisedime me Serbinë, është jo legjitim.

Ata kanë kërkuar që Ahmeti të zgjedhë mes detyrës si kryetar komune dhe asaj si bashkëkryesues i Ekipit negociator.

Por, ka edhe të mendimit që Ahmeti mund t’ia dalë në të dyja angazhimet.

Kryetari Shpend Ahmeti qeveris me Prishtinën në një mandat të dytë, pas fitores në fund të 2017-s ndaj Arban Abrashit të LDK-së.

Ai ka qenë i paqasshëm të martën për koment, por më herët në disa intervista ka thënë që angazhimi i tij me dialogun në Bruksel, nuk do ta pengojë punën e tij në Prishtinë.

© KOHA. Të gjitha të drejtat janë të rezervuara.

Komentet

Shto koment

Të ngjashme