Rezoluta nuk ia kufizon Thaçit rolin në dialog Foto ilustrim

Rezoluta nuk ia kufizon Thaçit rolin në dialog

Besnik Krasniqi Besnik Krasniqi 18 December 2018 07:39

Presidenti Hashim Thaçi do ta ketë rolin e njëjtë në dialogun me Serbinë, kanë konfirmuar të hënën në Presidencë, ani se dy ditë më parë Kuvendi e ka miratuar një Rezolutë që për përfaqësim në këtë proces e autorizon një ekip, pjesë e të cilit nuk është kreu i shtetit.

Edhe juristë dhe vëzhgues të procesit të negociatave e kanë bindjen se presidenti do të vazhdojë ta luajë rolin qendror në proces, shkruan sot Koha Ditore.

Bekim Çollaku është këshilltar kryesor i presidentit Thaçi. Sipas tij, edhe vetë Rezoluta ia njeh presidentit të drejtën e përfaqësimit të vendit në fazën përmbyllëse të dialogut.

“Mandati i presidentit të Republikës së Kosovës në këtë proces mbetet ai që ia njeh dhe garanton Kushtetuta e Kosovës, dhe kjo Rezolutë e miratuar nga Kuvendi i Kosovës as nuk mund ta forcojë më shumë atë rol, por as edhe ta dobësojë. Të njëjtën gjë e rikonfirmon edhe vetë Rezoluta e miratuar e Kuvendit të Kosovës”, ka thënë Çollaku. “Prandaj, thelbësore në këtë proces është vetëm fakti që, më në fund, është arritur konsensusi i gjerë politik, është mandatuar delegacioni shtetëror nga Kuvendi i Kosovës dhe janë përcaktuar qartazi të gjitha procedurat dhe përgjegjësitë e institucioneve dhe ekipeve të përfshira në dialog”. (Detajet mund t’i gjeni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme