Arbëri

Rritet numri i fëmijëve me probleme në frymëmarrje nga ndotja e ajrit

Rritet numri i fëmijëve me probleme në frymëmarrje nga ndotja e ajrit
Foto: Ilustrim/Koha
 

Shkalla e lartë e ndotjes së ajrit që po mbretëron tash sa ditë në kryeqytet, e shumë qytete tjera, kjo ka bërë që numri i qytetarëve që kërkojnë ndihmë mjekësore të rritet. Më të rrezikuarit janë fëmijët. Këtë e ilustron fakti se në Klinikën e Pediatrisë në QKUK është duke u rritur numri i fëmijëve me probleme në frymëmarrje. Drejtoresha e kësaj klinike, Drita Telaku, ka apeluar të qytetarët që të mos i ekspozojnë fëmijët gjatë ditëve kur ndotja e ajrit është e lartë.

Cilësia e ajrit në Prishtinë në muajt e fundit ka arritur shifra alarmante. Sipas Qendrës për matjen e cilësisë së ajrit, të vendosur nga Ambasada Amerikane, shkalla e ndotjes ka arritur deri në 400 ppm. Niveli i lartë i ajrit të papastër ka ndikuar edhe në shëndetin e banorëve në kryeqytet.