Arbëri

Stoltenberg bisedon me Haradinajn dhe Vuçiqin

Stoltenberg bisedon me Haradinajn dhe Vuçiqin

Sekretari i Përgjithshëm i NATO-s, Jens Stoltenberg ka zhvilluar një bisedë telefonike me kryeministrin e Kosovës Ramush Haradinaj dhe presidentin e Serbisë, Aleksandar Vuçiq, të cilëve u ka bërë thirrje që të tregojnë qetësi dhe të shmangin deklaratat dhe veprimet provokuese.

“Me Haradinaj ngrita shqetësime për planin për transformimin e Forcës së Sigurisë së Kosovës në një ushtri. Ia theksova se një veprim i tillë është i papërshtatshëm dhe kundër këshillave të shumë aleatëve të NATO-s dhe mund të ketë pasoja në perspektivën e Kosovës për integrim euro-atlantik. Ia përsërita se mandati i FSK-së duhet të evoluojë dhe se NATO duhet të rishikojë nivelin e bashkëpunimit me Forcën e Sigurisë së Kosovës”, thuhet në njoftimin e NATO-s.