Sot asnjë autobus nuk u nis nga Stacioni i Prishtinës

Sot asnjë autobus nuk u nis nga Stacioni i Prishtinës

18 shtator 2017 12:57

Pronarët e autobusëve që kanë linja përreth Kosovës, janë duke protestuar brenda Stacionit të Autobusëve.

Koha.net ka mësuar se kjo protestë po ndodh si shkak i një vendimi që ka marrë Menaxhmenti i Stacionit të Autobusëve.

TV Arta ka njoftuar se agjencitë e këtyre autobusëve që kanë linja nëpër Kosovë, po kundërshtojnë vendimin e tyre që udhëtarët të paguajnë biletat brenda nëpër sportele.

Këta shoferë, sot nuk kanë qarkulluar në asnjë drejtim.

Brenda Stacionit të Autobusëve, është i pranishëm edhe një numër i madh i njësiteve policore duke e përcjellë protestën.

Ndërkaq TV Arta raporton se të gjithë udhëtarët të cilët nuk posedonin bileta, policia i ka larguar nga autobusët.

Koha.net ka provuar të kontaktojë drejtorin e Stacionit të Autobusëve, Ylber Çitakun, për të folur rreth këtij vendimi, por ai ka qenë i paqasshëm.

© KOHA. Të gjitha të drejtat janë të rezervuara.

Komentet

Shto koment

Të ngjashme