Aleanca për Ardhmërinë e Kosovës dega në Kamenicë do të mbështesë në raundin e dytë të zgjedhjeve komunale, Qëndron Kastratin kandidatin për kryetar të komunës së Kamenicës nga radhët e Lëvizjes “Vetëvendosje”.
Ai ka rival Shaip Surdullin, kandidat për kryetar komune nga radhët e LDK-së.
Faton Jakupi ish-kandidat për kryetar të komunës së Kamenicës në rrjetin social “Facebook” ka thënë se vendimi është marrë nga dega e partisë.
“Aleanca për Ardhmërinë e Kosovës-dega Dardanë, me shumicë votash mori vendim që në garën e balotazhit për zgjedhjet e 19 nëntorit ta përkrahë kandidatin e VV-së, Qendron Kastrati.
Njoftoj të gjithë anëtarësinë e AAK-së se nga sot vazhdojmë ta bëjmë rrugën së bashku me Vetëvendosjen Urime e na priftë e mbara”, ka thënë Jakupi.
Edhe
VV-ja po e mendon largimin nga koalicioni në Kamenicë, PSD-ja i bën ofertë AKR-së
Kujtojmë se para disa ditësh, Vetëvendosje u ka bërë ofertë koalicioni edhe AAK-së edhe AKR-së.
Lexo edhe: Vetëvendosje ofertë koalicioni AAK-së dhe AKR-së në Kamenicë
