Kurti: I pranojmë simbolet shtetërore në institucione

Albin Kurti, i nominuar për kryeministër në radhët e LVV-së, në një intervistë për Rubikon të KTV-së ka thënë se i pranon simbolet shtetërore të Kosovës dhe se do t’i respektojë ato si simbole të institucioneve.

“Ne i pranojmë ato si simbole të institucione por besojmë që populli i Kosovës dhe historia janë më shumë se aq. Nuk janë flamuj që valojnë por si të tillë i tolerojmë e i pranojmë”, ka thënë ai.

Simboli me zemër i Vetëvendosjes zë vendin e flamurit shtetëror në setrën e kandidatit për kryeministër të Vetëvendosje, Albin Kurti. Ai këtë thotë se e ka bërë vetëm për shkak të fushatës që të tregojë simbolin “me zemër” që po përdoret si slogan i VV-së në fushatën zgjedhore.

“Ndoshta herën e ardhshme do ta kem numrin 35”, thotë Kurti duke thënë se nuk është i qëllimshëm apo ndryshim qëndrimesh ndërrimi i flamurit shtetëror me simbolin e kësaj fushate.