Janë rinumëruar 316 nga 914 vendvotime, ndërkohë që në QNR është shtuar numri i ekipeve numëruese, njoftoi Komisioni Qendror i Zgjedhjeve.
Sipas të dhënave, deri më tani procesi i rinumërimit është përmbyllur në 19 komuna, ndërkohë gjatë pjesës tjetër të ditës, të tjera komuna, sipas radhës, do të përfshihen në këtë proces.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Ndërkohë, në Qendrën e Numërimit dhe Rezultateve, është shtuar numri i tavolinave për rinumërim, nga 20 në 26 sosh”, thuhet në njoftimin e KQZ-së.
Sipas të dhënave të Komisionit Qendror të Zgjedhjeve (KQZ) pas rinumërimit të 316 vendvotimeve nga 914 sa do të rinumërohen, kandidati i Lëvizjes Vetëvendosje Albin Kurti ka marrë 140 vota më pak, ai i Partisë Demokratike të Kosovës (PDK), Bedri Hamza, 102, e ai i Lidhjes Demokratike të Kosovës, Lumir Abdixhiku, 36 vota më pak. Kryetari i AAK-së, Ramush Haradinaj, ka 14 vota më pak.
Bekim Haxhiu i PDK-së që ishte ankuar për vjedhje të votave, nga rinumërimi ka 112 vota më shumë.