PZAP-ja mblidhet të hënën për të marrë vendim për votat e diasporës
Foto:Ilustrim/Koha
Paneli Zgjedhor për Ankesa dhe Parashtresa, siç mëson KTV-ja, pritet të mblidhet të hënën për të marrë vendim për numërimin e votave të diasporës.
Derisa sot ka përfunduar numërimi i votave me kusht dhe ato të personave me nevoja të veçanta, ato të diasporës pritet të fillojnë pas vendimit të PZAP.
Sot, sipas zëdhënësit të KQZ-së, Valmir Elezi, do të vazhdohet me rinumërim të 4 vendvotimeve për të cilat KQZ-ja vendosi në mbledhjen e së premtes.
Kujtojmë se janë rreth 4,600 pako me fletëvotime nga mërgata, të cilat erdhën me vonesë me postë në Kosovë, ndonëse kishin kaluar në proces të rregullt të votimit përmes postës.
