Partia Demokratike e Kosovës, dega në Prizren, ka njoftuar se brenda një ore në Qendrën e Votimit 2003a në Prizren, janë arrestuar dy persona, të cilët, sipas PDK-së, janë aktivistë të Vetëvendosjes.
Kjo parti thotë se ata janë zunë në flagrancë duke blerë vota.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNdaj këtyre veprimeve, PDK-ja, dega në Prizren, ka thënë se ka intervenuar Policia e Kosovës dhe ka arrestuar dy personat.
“Partia Demokratike e Kosovës, duke dënuar ashpër sjelljen e aktivistëve të Vetëvendosjes, njofton opinion e gjerë, se kjo skenë e mashtrimeve të Vetëvendosjes, ka ndodhur edhe në zgjedhjet e kaluara. Andaj, të gjithë vëzhguesit e PDK-së, do të jenë në krye të detyrës, për ruajtjen e votës dhe të vullnetit të qytetarëve. Me këtë rast u bëhet thirrje edhe vëzhguesve të subjekteve tjera politike dhe OJQ-ve, monitorues të zgjedhjeve, t’i raportojnë rastet e tilla. Vota e secilit është e shenjtë dhe nuk do të lejohet, që askush të abuzojë me të drejtën legjitime të qytetarëve”, ka thënë kjo parti.
PDK, në Prizren, me këtë rast ka falënderuar Policinë e Kosovës, “të cilët janë në shërbim të qytetarëve për parandalimin e veprave kriminale, siç janë vjedhja dhe blerja e votave”.