Vështrime

Njeriu që u jepte shpirt tingujve

Gianni Belluscio nuk u mësua dot me vdekjen. Se jeta është dashuri. Ne, të ngutur në vrapimin tonë prej lepuri, nuk e pamë dot vuajtjen e tij.

Gianni Belluscio nuk u mësua dot me vdekjen. Se jeta është dashuri. Ne, të ngutur në vrapimin tonë prej lepuri, nuk e pamë dot vuajtjen e tij.

Mësohuni me vdekjen e më të dashurve, deklaroi Boris Johnson që në fillim të pandemisë. Mësohuni me vdekjen o vdekatarë! Këto ditë na la miku e kolegu Gianni Belluscio, arbëreshi i urtë, teksa e shoqja, Giusi, frymonte pavetëdijshëm dy ditët e saj të fundit, e unë nuk po mësohem dot me vdekjen e tij, me vdekjen e tyre. Një lëmsh i ashpër më shtrëngon fytin sa herë shoh fytyrën e qeshur të Giannit nëpër mediat italiane e shqiptare këto ditë, në faqet universitare, në postimet e miqve të shumtë.