Përfaqësuesja e Spanjës është kualifikuar në finale të turneut olimpik në futboll.
Spanja, të martën në Saitama e mposhti në gjysmëfinale Japoninë, me rezultatin 1:0 pas vazhdimeve. Koha e rregullt e ndeshjes, përfundoi pa gola kurse në vazhdime, spanjollët shënuan golin e fitores. Ishte mesfushori Marco Asensio, ai që në minutën e 115-të shënoi gol pas asistimit të Mikel Oyarzabalit.
Në finale, Spanja do të përballet me Brazilin. Ndërkohë, Japonia do të luajë kundër Meksikës për medaljen e bronztë.
