Atleti amerikan Ryan Crouser ka fituar të artën olimpike në hedhje të gjyles, duke vendosur rekord olimpik.
Crouser në finalen në stadiumin olimpik në Tokio ka triumfuar me hedhje 23.30 metra. Ai ka lënë prapa amerikanin Joe Kovacs me hedhje 22.65. I bronztë doli zelandezi Thomas Walsh me hedhje 22.47 metra.
Në kërcim trehapësh, portugezi Pedro Pichardo fitoi të artën me rekord nacional 17.98 metra. Kinezi Yaming Zhu doli i argjendtë me kërcim 17.57 metra, që ishte rekord personal. Medalja e bronztë i takoi Fabrice Zangos së Burkina Fasos me kërcim 17.47 metra.
