Irie Sena është bërë boksierja e parë nga Japonia që ka fituar të artën olimpike. Sena 20-vjeçare triumfoi në finale të kategorisë pendël ndaj filipinases Nesthy Petecio.
Sena triumfoi me vendim unanim të gjyqtarëve.
“Kundërshtarja ishte shumë e fortë, kështu që ndonëse po mbrohesha nga çdo goditje dhe po jepja kundërgoditje, mendova se mund të kem humbur. Por, jam shumë e lumtur që fitova”, ka thënë Sena, raporton faqja zyrtare e Komitetit Olimpik Ndërkombëtar.
E Petecio tha se medalja është për gjithë shtetin e saj.
“Kjo medalje nuk është vetëm për mua. Është për shtetin tim, trajnerin tim, shokun tim më të mirë që vdiq këtë vit”, tha ajo.
-
3 gusht 2021 08:30
-
Shpërndaje në: