Ekipi olimpik i xhudos ka mbërritur në Kosovë, pas disa ditëve të kaluara në Japoni ku shkroi sërish histori. Ekipi i xhudistëve në krye me trajnerin Driton Kuka, ka mbërritur në Aeroportin e Prishtinës “Adem Jashari”, në orën 20:40.
Në ekip janë edhe dy kampionet e reja olimpike, Distria Krasniqi e Nora Gjakova. Kosova u përfaqësua me pesë xhudistë në Lojërat Olimpike “Tokio 2020” dhe fitoi dy të arta e një vend të shtatë – Akil Gjakova.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPjesë e ekipit janë edhe Majlinda Kelmendi, kampione olimpike nga “Rio 2016” dhe Loriana Kuka. Ekipi olimpik për pak minuta do të mbajë një konferencë për media, e më pas do t’ia mësyjë sheshit “Zahir Pajaziti” në Prishtinë, ku është organizuar një pritje e madhe. Në aeroport ka dalë një numër i madh i qytetarëve për t’i pritur qytetarët, e aty është edhe kryeministri Albin Kurti.