Kreu i Komitetit Olimpik Ndërkombëtar (IOC), Thomas Bach, ia ndau medaljen e artë olimpike Nora Gjakovës sot në Tokio.
Gjakova fitoi medaljen e artë olimpike në kategorinë deri 57 kilogramë. Për Kosovën është medalja e dytë e artë olimpike në Tokio, pas asaj të fituar të shtunën nga Distria Krasniqi. Majlinda Kelmendi kishte fituar të artën në “Rio 2016”.
Në Rio medaljen e artë olimpike Majlindës ia kishte dorëzuar po ashtu kreu i IOC-së, Thomas Bach. Bach ia kishte premtuar Majlindës se do t’ia dorëzonte medaljen, gjatë vizitës që kishte pasur në Kosovë para Lojërave Olimpike. Premtimin e mbajti.
