Përparim Gruda, koordinator i Departamentit për Drejtësi nga radhët e Partisë Demokratike të Kosovës (PDK) në emisionin “Tempus” në KTV ka thënë se Qeveria nuk ka bërë asgjë për padinë për gjenocid ndaj Serbisë.
“Po flasim për mandat katër vjeçar, thuhet një nga premtimet kryesore është padia për gjenocid ndaj Serbisë. Sot, Qeveria e ka konsumuar gjysmën e mandatit qeveritar, kryeministri dje dhe ministrja e Drejtësisë bënë një postim ku numëruan suksesin e dyvjeçarit në drejtësi, nuk ishte asnjë punë e bërë për padinë për gjenocid. Kanë harruar krejt që e kanë bërë”, tha Gruda.
Ai theksoi se nëse deri sot Qeveria nuk ka bërë asnjë gjë për këtë padi, kush do të besojë që kjo punë do të bëhet për dy vjet, madje është harruar sipas tij është harruar të përmendet edhe si ide në programin e Qeverisë.
