Erton Bega, ekspert i ekonomisë, ka thënë se Qeveria Kurti ka zgjedhur të jetë spektator karshi inflacionit.
“Ekonomia jonë është ballafaquar me tri valë të inflacionit brenda harkut të më pak se 2 vjetëve. Fillimisht kishim inflacionit pas pandemisë, pastaj në fund vitin e kaluar si rrjedhojë e ngritje së çmimeve të energjisë elektrike dhe tash si pasojë e agresionit rus në Ukrainë. Për me u përgjigj shkurt dhe direkt, Qeveria ka zgjedhur të jetë spektator në raport me problemin e inflacionit sepse është vetëkënaqur me rritjen e të hyrave buxhetore të cilat vijnë si rezultat i ngritjes së çmimeve në produktet e importit ku sipas të dhënave zyrtare të Agjencisë të Statistikave, inflacioni në produktet e importit në tremujorin e parë ka qenë 21% dhe Qeveria është vetëkënaqur me këtë dhe e ka propaganduar si një rezultat të performancës së saj”, ka thënë Bega në “Tempus” të KTV-së të martën.
Sipas tij, nuk është rezultat i ndonjë performance pozitive, por është rrjedhojë e inflacionit duke thënë se çmimet më të shtrenjtat duhet të paguajnë doganë dhe TVSH më shumë në kufi.
“Qeveria duke zgjedhur rolin e spektatorit ka abstenuar nga të gjitha masat e mundshme që i ka në dispozicion për të lehtësuar dhe zbutur ngritjen e çmimeve. Nuk ka ndërhyrë, nëse e krahasojmë me shtetet në rajon apo në shtetet e BE-së, nuk ka zgjedhur të ndërhyjë në politikat fiskale”, ka deklaruar tutje Bega.
-
Jakurti: Tregtarët kanë tendencë t'i rrisin çmimet në kohë krizash
-
Qytetarët kërkojnë nga qeveria e re ulje të çmimeve të produkteve ushqimore
-
Bega: Kosova ka qenë e bllokuar nga sanksionet, Qeveria e interpreton si ulje të borxhit publik
-
Bega: Qeveria s’mund t’i ndalojë produktet nga Serbia, mashtrim elektoral
-
Bega: Me politika populliste Qeveria shpërndau paratë e shtetit si “në bahçe të babës”