Molliqaj: Një fëmijë që rritet me një prind nuk është më ndryshe sesa ai që rritet me dy
Drejtoresha ekzekutive në Qendrën për Informim, Kritikë dhe Aksion – QIKA, Leonidë Molliqaj, ka thënë se në aspektin shoqëror, një fëmijë që rritjet me një prind nuk është ndryshe nga një fëmijë i cili rritet me dy prindër.
“Nuk do të thotë se një fëmijë që rritet me patjetër me dy prindër do të ketë jetë shumë më të mirë sesa një fëmijë i cili rritet me një prind. Edhe është problematike se jeni duke e mohuar edhe angazhimin dhe përkushtimin e plotë nënave dhe burrave të cilët i rritin fëmijët vetë. Çka t’u bëhet çifteve të ndara”, ka thënë Molliqaj, në emisionin “Tempus” në KTV.
Sipas saj, vajzat e reja mund të zgjedhin të bëhen nëna, pa pasur nevojë të krijojnë lidhje martesore.
“Nuk ekziston asnjë e dhënë empirike e cila tregon se fëmijët të cilët rriten me nëna vetushqyese janë ndryshe prej fëmijëve të tjerë në kuptimin social të çështjes. Kjo rritja e fëmijëve lidhet me përkushtimin, kujdesin, përkushtimin emocional dhe çështje të tjera, por nuk i bie se nëse një fëmijë rritet me njërin prej prindërve ka probleme ose është më ndryshe nga një fëmijë që rritet me dy prindër”, ka thënë Mulliqaj.
Sipas saj në Kosovë fëmijët rriten tepër keq dhe se ka dhunë tepër të madhe ndaj tyre si në familje ashtu edhe në shkollë.
