Rrjeti gjigant YouTube ka prezantuar statistikat e reja në konferencën vjetore për video VidCon, e cila mbahet në Los Angeles, transmeton Koha.net.
VidCon është një konventë ku yjet e famshëm të YouTube mund të takohen me adhuruesit e tyre, si dhe të mësojnë e të inspirohen për të postuar e bërë video.
Shefja e YouTube, Susan Wojcicki ka shpalosur disa statistika për të treguar suksesin dhe rritjen e YouTube.
Ajo ka treguar se për çdo muaj YouTube ka 1.5 miliard përdorues me llogari të kyçur në të.
Që do të thotë se numri i atyre që hyjnë në YouTube, por që nuk janë të kyçur me ndonjë llogari është edhe më i madh.
Një statistikë tjetër thotë se njerëzit shikojnë mesatarisht një orë në ditë video nga mobilët apo pajisjet e lëvizshme, që është një sasi shumë e madhe e kohës, nëse llogaritet për muaj apo vit.