Twitteri shton sigurinë

Rrjeti social Twitter e ka rritur sigurinë nëpërmjet tiparit ‘safety mode’, duke i lejuar përdoruesit t’i bllokojnë faqet që u dërgojnë mesazhe jo të lejueshme.

Sistemi do t’i piketojë faqet që përdorin gjuhë të urrejtjes ose që dërgojnë mesazhe të pakëndshme, e më pas do t’ua bllokojë qasjen për shtatë ditë.

Fillimisht, ky tipar do të nisë të funksionalizohet në Angli, SHBA, Kanada, Australi, Zelandë të Re dhe Irlandë.

Po ashtu, një masë shtesë e sigurisë do të bëhet nëpërmjet “proactive safety mode”, ku mesazhet e palejueshme do t’i pezullojë.

Twitteri është ndër rrjetet sociale më aktive sa i përket luftimit të gjuhës së urrejtjes. Ajo ka mbyllur mijëra llogari të përdoruesve që kanë shprehur gjuhë të tillë.