Për ta bërë më të lehtë menaxhimin e kufjeve Galaxy Buds, Samsung lansoi një aplikacion të quajtur Galaxy Buds për Windows 10. Përmes këtij aplikacioni mund të ndryshoni shumë konfigurime të Galaxy Buds direkt nga kompjuteri Windows 10.
Aplikacioni është i disponueshëm për t’u shkarkuar në Microsoft Store dhe përdoret për të çiftuar dhe menaxhuar funksionet e Galaxy Buds.
Funksionalitetet janë disa si nga kontrolli i nivelit të baterisë tek përditësimi i firmware të tyre. Janë disa opsione për të konfiguruar Galaxy Buds me këtë aplikacion: identifikimi i zërit, aktivizimi i komandave me prekje, përditësimi dhe bateria.
Për momentin funksionon vetëm me Galaxy Buds dhe nuk është e qartë nëse Samsung do ta ofrojë edhe për modelet e tjera të kufjeve.
