Samsungu ka plane të mëdha për Galaxy Note 9

Kompania Samsung sivjet ka lansuar telefonin Galaxy Note 8, i cili ka marrë kritika të mira që prej prezantimit.

Gjiganti teknologjik në Galaxy Note 8 ka punuar në përforcimin e kamerës, S Pen dhe ekranin e madh të kësaj pajisje. Samsungu së fundmi ka konfirmuar disa detaje të telefonit i cili pritet të prezantohet vitin e ardhshëm.

Drejtuesit e kësaj kompanie kanë konfirmuar se Note 9 do të ketë një laps të përmirësuar dhe disa veçori tjera.

Samsungu ka përmirësuar shumë edhe Note 8, duke konsideruar problemet që ka pasur paraardhësi i tij, Note 7.