Rekordi i ri botëror për transmetimin e të dhënave në internet është 178 terabitë për sekondë (e barabartë me 178 milionë megabitë për sekondë), e mjaftueshme për të shkarkuar të gjithë katalogun Netflix në më pak se një sekondë.
Rekordi i ri u vendos nga studiuesit e ”University College London”, të cilët përmirësuan me 20% rekordin e mëparshëm të mbajtur nga një ekip japonez.
Rezultati, i cili do të ndihmojë në rritjen e infrastrukturës aktuale të rrjetit, u mor në bashkëpunim me kompanitë ”Xtera” dhe ”KDDI Research” dhe është botuar në revistën ”Photonics Technology Letters”.
“Ndërsa ndërlidhjet aktuale të qendrave të të dhënave në rrjet janë të afta të transportojnë deri në 35 terabitë në sekondë, ne jemi duke punuar me teknologji të reja që përdorin infrastrukturat ekzistuese në mënyrë më efikase, përdorim më i mirë i gjerësisë së bandës me fibra optike dhe bërja e mundshme e transmetimit rekord të 178 terabitave në sekondë”, shpjegon koordinatorja e studimit, Lidia Galdino. / ANSA
-
Japonia shënon rekord të shpejtësisë së internetit
-
Kina prezanton internetin më të shpejtë në botë, 150 filma mund të dërgohen për një sekondë
-
Samsungu vendos rekord të ri të rrjetit 5G
-
Dhjetë shtetet me internetin më të shpejtë në botë
-
IPKO thyen rekordin e trafikut mobil në Kosovë, arrin kulmin prej 60 Gbps