Një prodhues i madh i iPhone-it është bërë prodhuesi më i fundit që ka ndaluar operacionet për shkak të bllokimit në Shangai.
Kompania e teknologjisë, Pegatron, thotë se ka pezulluar përkohësisht prodhimin në dy nga fabrikat e saj në Kinë, shkruan BBC.
Njoftimi erdhi edhe pse autoritetet lehtësuan disa nga rregulloret e Shangait për koronavirus, të martën.
Kjo do të thotë se disa nga 25 milionë banorë të qytetit janë në gjendje të largohen nga shtëpitë e tyre për herë të parë pas disa javësh.
Qyteti u mbyll në fund të muajit mars, pasi infeksionet u rritën në qendrat kryesore të prodhimit dhe ato financiare.
Pegatron tha se kishte ndalur operacionet në faktorët e saj në Shangai dhe Kunshan “në përgjigje të masave të parandalimit të Covid-19 nga qeveria lokale”.
Kompania tha se do të punojë me autoritetet “për të rifilluar operacionet sa më shpejtë që të jetë e mundur”.
Prodhuesi kryesor i Apple MacBook Quanta dhe prodhuesi i iPad Compal Electronics, gjithashtu kanë ndërprerë aktivitetet në qytetet kineze, sipas gazetës japoneze Nikkei.
Pegatron nuk dha detaje të mëtejshme kur u kontaktua për koment nga BBC, Apple, Quanta dhe Compal nuk iu përgjigjen menjëherë kërkesave për koment.
