Nga 1 janari, Microsofti do të vendosë kufij të të dhënave për klientët e BE-së

Korporata e teknologjisë, Microsoft, i ka njoftuar të enjten klientët e tij të Bashkimit Evropianit se do të vendosë kufij të të dhënave për ta nga 1 janari i vitit 2023, raporton Reuters.

Përhapja me faza e “kufirit të të dhënave të BE-së” do të zbatohet për të gjitha shërbimet e saj kryesore cloud – Azure, Microsoft 365, Dynamics 365 dhe platformën Power BI.

Bizneset e mëdha janë bërë gjithnjë e më të shqetësuara për rrjedhën ndërkombëtare të të dhënave të klientëve që kur BE-ja prezantoi Rregulloren e Përgjithshme të Mbrojtjes së të Dhënave (GDPR) në vitin 2018, e cila mbron privatësinë e përdoruesve.

Krahu ekzekutiv i bllokut, Komisioni Evropian, po punon përmes propozimeve për të mbrojtur privatësinë e përdoruesve evropianë, të dhënat e të cilëve transferohen në Shtetet e Bashkuara.

"Faza e parë do të jetë të dhënat e klientit. Dhe më pas derisa kalojmë në fazat e ardhshme, do të zhvendosim të dhënat e regjistrimit, të dhënat e shërbimit dhe të dhëna të tjera në kufi. Faza e dytë do të përfundojë në fund të vitit 2023 dhe faza e tretë do të përfundojë në vitin 2024”, ka thënë për Reuters, shefja e Privatësisë së Microsoft-it, Julie Brill.

Edhe Botë 1 j. më parë BE-ja do të kufizojë qasjen e fëmijëve në rrjetet sociale

Microsoft operon më shumë se në dhjetë qendrash të dhënash në vendet evropiane, duke përfshirë Francën, Gjermaninë, Spanjën dhe Zvicrën.

"Ne po krijojmë këtë zgjidhje për t'i bërë klientët tanë të ndihen më të sigurt dhe për të qenë në gjendje të kenë biseda të qarta me rregullatorët e tyre se ku përpunohen dhe ruhen të dhënat e tyre", shtoi Brill.