Në ngjarjen e 19 prillit në Brazil, Motorola pritet të prezantojë telefonat Moto G6, Moto G6 Plus dhe Moto G6 Play.
Megjithatë, edhe pse nuk është konfirmuar, është e mundshme që kompania të prezantojë edhe serinë Moto E5, e cila përfshin modelet Moto E5, Moto E5 Plus dhe E5 Play, transmeton KP.
Ndërkaq, telefoni me numër XT1924-3 paraqitet në certifikimin FCC, i cili zbulon se telefoni do të ketë një bateri të madhe prej 5000mAh, si dhe dimensione prej 160mm x 75mm.
FCC zbulon se Moto E5 Plus do të publikohet në të gjitha rajonet, dhe në varësi të rajonit ekzistojnë dallime të vogla në procesor, bërthamë dhe memorie. Modelet XT1924-1 dhe XT1924-2 janë për pajisjet që do të shfaqen në Evropë, Afrikë dhe Lindjen e Mesme.
Modeli XT1924-3 është i destinuar në rajonin aziatiko-pacifik dhe vjen me procesorin Snapdragon 430 SoC.