Miliarderi padit Facebookun për mashtrim

Miliarderi australian Andrew Forest hodhi në gjyq Facebookun sepse ata nuk arritën ta mbronin atë.

Forest paditi kompaninë sepse në rrjetet e tyre qarkullonin reklama false me foton e tij, të cilat përdoreshin për mashtrim.

Ai pretendon se Facebooku ka shkelur ligjet australiane kundër pastrimit të parave duke lejuar që mashtrimet e kriptomonedhave të zhvillohen në rrjetet e tyre.

Kjo është hera e parë që Facebooku po përballet me një ankesë penale që është globale.

Kompania Meta, pronare e Facebook, është bërë e ditur përmes shërbimit PR dhe nuk ka dashur të komentojë padinë e Forestit, por ka deklaruar se “janë të angazhuar për të hequr nga rrjeti i tyre mashtrime dhe mashtrues të tillë”.

Miliarderi australian shprehet se ky mashtrim ka vazhduar që nga viti 2019.

Edhe Tech 3 j. më parë Gjykata nuk e rrëzon padinë ndaj Metas për varësi ndaj fëmijëve

Bëhet fjalë për mashtruesit që përdorin imazhet e tij, si dhe të personazheve të tjerë të famshëm, për të promovuar investime false në kriptovaluta dhe për të mashtruar njerëzit.

Edhe pse Facebook ndalon gjëra të tilla, postimet ende shfaqen pas më shumë se dy vjetësh dhe tani Forest dëshiron të paguhet për të.