Planet për të lejuar përdorimin e rrjetit social Instagram nga fëmijët nën moshën 13-vjeçare kanë rënë në ujë.
Platforma "Instagram Kids", që u mendua të hapej, duke u konsultuar me prindërit, ekspertët, njohësit e ligjit dhe rregullatorët ligjorë, nuk u përkrah, pas një hulumtimi të publikuar në mediumin Wall Street Journal, i cili e cilëson rrjetin social si "toksik për vajzat e reja", shkruan BBC.
Kjo u kundërshtua nga zyrtarë të rrjetit social duke u quajtur si akuzë e pasaktë. Instagrami nuk lejon qasjen e personave që nuk janë të paktën 13-vjeçar, megjithëse ka fëmijë nën këtë moshë që kanë qasje.
