Nëse jeni nga ata që e përdorni aplikacionin e Microsoftit Calendar, i cili është i integruar në Windows 10, ja një lajm i mirë për ju. Sajti Aggiornamenti Lumia sugjeron që aplikacioni do ta ketë një ridizajnim të madh, dhe këtë e vërteton fotografia e rrjedhur. Aplikacioni do të jetë në dispozicion për testim së shpejti.
Mund të shihet se në pjesën e sipërme është një hapësirë shtesë për t’i shikuar temat e reja panoramike. Për momentin, vetëm një prej tyre është në dispozicion, por më shumë tema priten më vonë, shkruan KOHA Ditore. Ofrohet edhe menuja e re hamburger në të majtë, poshtë së cilës ndodhen ikona të reja Outlook dhe Exchange.
Siç shihet në foto, ekziston një dritare e re për krijimin e ngjarjeve. Raporti përmend se konfigurimet gjithashtu do të ridizajnohen përsa i përket pamjes dhe funksioneve, por nuk janë publikuar detaje specifike.
Tani për tani nuk dihet se kur do të jetë në dispozicion aplikacioni i ri i Windows 10 Calendar, por ai pritet së pari në Windows 10 Insider Preview.
-
Rrjedh online Windows 11, ngjan me Windows 10X
-
Outlook merr përditësimin më të madh që prej një dekade
-
“Copy-Paste” nuk do të jetë më njësoj në përditësimin e ri të Windows 10
-
Aplikacionet mobile të ridizajnuara të Microsoft Office e lexojnë tekstin me zë
-
Microsofti i teston butonat Quick Search në Windows 10