Sipas një raporti të kohëve të fundit, iPhone 11 së shpejti mund të bëhet kompatibil me stroboskopin e ri dhe aksesorët e tjerë për blic, të cilët lidhen përmes portit Lightning, raporton 9to5mac.
Edhe pse aktualisht ekzistojnë disa aksesorë për iPhone, të cilët e përmirësojnë përvojën e fotografimit, ka pak pajisje të tilla dhe ato lidhen përmes Bluetooth, shkruan KOHA Ditore. Aksesorët e rinj do të përfshiheshin në programin e licencave të Apple, Made-for-iPhone (MFi).
Specifikimet e reja do të mundësojnë që stroboskopi ose komponentët e tjerë të ndriçimit të sinkronizohen me blicin e integruar të pajisjes, si dhe të transmetojnë pa tel sinjale nga ato pajisje në pajisje të tjera.
Këllëfi për bateri, me blic të integruar, i cili lidhet përmes portit Lightning, është gjithashtu një nga produktet e përmendura në raport që mund të gjendet në treg.
