Huawei do të përdorë më shumë procesorët e vetë për të reduktuar mbështetjen e Qualcommit

Sipas furnizuesve harduerik për Huawein, kompania po kërkon të reduktojë mbështetjen e saj nga procesorët e Qualcommit dhe MediaTekut duke i zëvendësuar ato me procesorët e vetë HiSilicon SoC.

Procesorët e vetë kompanisë, po ashtu, pritet të jenë pjesë e 60 për qind të pajisjeve të Huaweit në gjysmën e dytë të këtij viti, shkruan gsmarena.

Sa për krahasim, në gjysmën e dytë të vitit 2018, më pak se 40 për qind e smartfonëve të Huaweit kanë përdorë procesorët Kirin SoC ndërsa në gjysmën e parë të këtij viti, kompania ka përdorë procesorët e vetë në rreth 45 për qind të pajisjeve, transmeton Koha.net. Kështu që, në gjysmën e dytë të 2019-ës, mbi 150 milionë pajijset e Huaweit do të kenë procesorët Kirin SoC duke marrë parasysh shitjen e parashikuar prej 270 milionë pajisjeve për 2019-ën.

Huawei ka përdorë procesorët e saj SoC të teknologjisë së fundit shumë kohë më parë, por shumica e pajisjeve të saj të kategorisë së mesme dhe të ulët ende janë të mbështetur nga procesorët e Qualcommit dhe të MediaTekut.

Tani, gjërat po ndryshojnë dhe procesori i lansuar së fundmi, Kirin 810 7nm, për pajisjet e kategorisë së mesme është një tregues i qartë për ndryshimet në trendet. Ai do të fuqizojë një pjesë të konsiderueshme të pajisjeve të ardhshme të kategorisë së mesme dhe të ulët (pajisjeve buxhetore) të Huaweit.