Kompania Meta njoftoi se do të bëjë disa ndryshime në profilet e përdoruesve në Facebook në muajin dhjetor, shkruan Bloomberg.
Meta konfirmoi se adresa, orientimi seksual, përkatësia politike dhe fetare do të hiqen nga profili dhe këto ndryshime do të hyjnë në fuqi më 1 dhjetor. Arsyeja e këtyre ndryshimeve është përmendur si “navigimi dhe përdorimi më i lehtë” i rrjetit social. Ata që kanë plotësuar disa nga këto fusha do të marrin një njoftim për ndryshimin.
Detaje të tjera të futura, të tilla si kontaktet dhe statusi i lidhjes, do të mbeten. Facebooku bëri të mundur shkarkimin e një kopje të të dhënave para datës 1 dhjetor për ata që duan ta ruajnë atë dhe në të ardhmen do të jetë e mundur të kontrollohet se çfarë shohin përdoruesit individualë në profilin e tyre.
Kjo lëvizje e Metës nuk do të ketë një ndikim veçanërisht praktik në përdorimin e Facebookut, përveç reduktimit të "lëvizjes" në seksionin "kontaktet dhe informacionet bazë", por mund të ndryshojë qëndrimet ndaj privatësisë. Facebooku prezantoi këto seksione në ditët e para të rrjetit social kur përdoruesit ishin më të gatshëm të ndajnë detajet e tyre më të ndjeshme.
Megjithatë, privatësia është një shqetësim i madh sot dhe Meta i ka kushtuar më shumë vëmendje viteve të fundit dhe i është përkushtuar bisedave private dhe përmirësimit të sigurisë. Njerëzit sot janë më pak të prirur të ndajnë informacione mbi profilet në një epokë kur ndjekja dhe ngacmimi në internet janë shumë të zakonshme.