Njeriu më i pasur në botë, Elon Musk, i kërkoi një gjykate në Delaware të shtunën të refuzojë përpjekjen e Twitterit për të vënë në gjyq në shtator çështjen e blerjes së platformës për 44 miliardë dollarë, duke argumentuar se është një afat kohor "i pajustifikueshëm", shkruan AP.
Twitteri e paditi Muskun në një përpjekje për ta detyruar atë ta finalizojë blerjen e kompanisë, pasi deklaroi se po anulonte marrëveshjen.
Twitter kërkoi një seancë katër-ditore në shtator, duke argumentuar se marrëveshja me Muskun ka afat vetëm deri në tetor.
“Reagimi i Twitterit mbështetet në premisën e rreme se data e përfundimit në marrëveshjen e blerjes është 24 tetori, duke lënë mënjanë se kjo datë pezullohet automatikisht nëse secila palë paraqet një proces gjyqësor”, shkroi avokati i Musk, Alex Spiro, në një dosje gjyqësore.
Gjykata e Kancelarisë së Delawares do të përcaktojë nëse Musku do të jetë i detyruar ta blejë Twitterin ose nëse ai kishte të drejtë të anulonte marrëveshjen sepse kompania nuk i dha atij të dhënat që ai kërkoi.
“Kërkesa e papritur e Twitterit për shpejtësi për të finalizuar blerjen pas dy muajsh zvarritjeje dhe mjegullimi është taktika më e fundit për të mbuluar të vërtetën rreth llogarive të rreme dhe atyre spam”, thuhet në dosjen e avokatit të Musk.
Edhe
Gjykata vendos: Elon Musk mashtroi investitorët e Twitterit
Musk ka pretenduar se Twitteri dështoi të zbulojë numrin e llogarive të rreme në platformë. Twitteri ka thënë se 5% e përdoruesve aktivë janë robotë, por Musk ka thënë se nuk e beson shifrën.
Musk i kërkoi gjykatës të caktojë datën për seancë jo më herët se mesi i shkurtit.
