Shërbimi për livrim të dërgesave me dronë është lansuar në Virginia. Filiali i Alphabet tani po u livron ushqim dhe artikuj të shëndetshëm dhe ilaçe banorëve të Christianburgut në Virginia pasi e mori lejen e Qeverisë dhe u bashkua me lojtarët e mëdhenj, si Fedex dhe Walgreens.
Wing deklaroi se bëhet fjalë për shërbimin e parë komercial të livrimit me dronë në Shtetet e Bashkuara.
Videoja e postuar në video-shërbimin YouTube e tregon një çift të moshuar dhe një familje me fëmijë të cilët përdorin telefona mobilë dhe zgjedhin se çfarë dëshirojnë t’u livrohet, shkruan KOHA Ditore. Pastaj punëtori e vendos porosinë në një kuti kartoni, e cila duket si një Happy Meal i madh. Kutinë më pas e ngjet në grep, ndërsa droni e tërheqë dhe e forcon në fluturim.
Fluturakja në fund arrin në adresë dhe ua lëshon kutinë atyre që i kanë porositur produktet.
Qëllimi i Wing është t’i zëvendësojë me dronë automjetet lifvruese dhe kështu ta zvogëlojë numrin e automjeteve në rrugë. Ata gjithashtu duan që përmes dronëve ta lehtësojnë qasjen tek personat me lëvizshmëri të kufizuar. Kompania premton që livrimi do të kryhet brenda pak minutash pas porosisë.
-
Ukraina godet sërish depot e shitësit më të madh rus me pakicë në internet
-
Gjermania financon 50 mijë dronë sulmues për Ukrainën
-
Si po godasin dronët ukrainas linjat jetike të furnizimit rus
-
Apple po zhvillon një unazë inteligjente, mund të quhet iRing
-
Wolt në Gjilan nga 18 qershori: Shkarko aplikacionin dhe porositë, përfito nga ofertat ekskluzive