Revista gjermane “Der Spiegel” në numrin e saj të së premtes, ka publikuar një artikull ku shkruhet se shërbimet e inteligjencës ushtarake ruse GRU kanë arritur të hyjnë në e-mail-et e zyrës elektorale të kancelares Merkel në vitin 2015, kohë kur u sulmua nga hakerat dhe parlamenti gjerman.
Qeveria gjermane nuk ka bërë një koment për këto raportime. Gjithashtu reagim nuk ka as nga Moska zyrtare, e cila më herët i ka mohurat akuzat për këto sulme kompjuterike.
Sipas “Der Spiegel”, policia federale dhe agjencia federale për krimet kibernetike kanë mundur të rikrijojnë sulmin dhe kanë gjetur se objekt i sulmit nga hakerat kanë qenë dy “inbox-e” të zyrës elektorale të Merkel.
Ata kanë hyrë në korrespondencat elektronike të viteve 2012-2015 dhe madje kanë kopjuar e-mail-et në një kompjuter tjetër, transmeton Zhurnal.
Dhoma e Ulët e Bundestagut gjerman zbuloi në maj të vitit 2015 se sistemi i saj kompjuterik ishte thyer dhe hakerat kishin hyrë brenda tij që nga fillimi i vitit.
Fatkeqësisht nuk u zbulua se çfarë informacioni ishte vjedhur. Ambasada ruse në Berlin nuk ka bërë asnjë reagim për ngjarjen në fjalë deri në këto momente.
-
Merkeli thotë se ka qenë e shënjeshtruar nga hakerët rusë
-
Rusia raporton sulme kibernetike ndaj sistemit zgjedhor në ditën e dytë të votimit
-
Gjermania e akuzon Rusinë për sulm kibernetik dhe tentim për ndërhyrje në zgjedhje
- Ndikimi i Rusisë në zemër të Berlinit
-
Inteligjenca gjermane thotë se grupi rus kreu sulme kibernetike ndaj NATO-s dhe BE-së