Apple është gati të bëjë një njoftim të madh, ndoshta për produkte të reja, sipas një sërë raportesh.
Ditët e fundit, një sërë thashethemesh kanë thënë se njoftimi ka të bëjë me lëshimin e Mac-ëve të rinj, me çipat M2 të Apple, raportoi The Independent të martën.
Apple ka kohë që është përfolur për përditësimin e MacBook Pro-ve të saj 14 dhe 16 inç, të cilët u përditësuan për herë të fundit në tetor 2021.
Kur ata kompjuterë u lëshuan për herë të parë, ata përfshinin çipat M1 Pro dhe M1 Max të Apple. Që nga ajo kohë, Apple ka zbuluar gjeneratën e fundit të familjes së saj të procesorëve - M2, i cili fuqizon MacBook Air dhe MacBook Pro. Kështu pritet që Apple të zbulojë versionet Pro dhe Max të asaj gjenerate të re së shpejti.
MacBook Pro i ri pritet të qëndrojë kryesisht i njëjtë nga jashtë. Modelet e vitit 2021 ishin të parat që sollën një ridizajn total – i cili gjithashtu shtoi më shumë porte dhe një ekran të ri në laptopët. Kjo pamje ka të ngjarë të qëndrojë për disa vite.
