Një gjykatë amerikane ka vendosur të ndërmarrë veprime ligjore kundër Apple-it për shkak se kufjet e kompanisë nuk mbajnë baterinë ashtu sikurse është reklamuar.
Shtatë konsumatorë nga qytete të ndryshme amerikane thonë se kufjet e kompanisë Apple nuk janë ashtu sikurse janë reklamuar dhe nuk janë rezistuese as ndaj ujit.
Apple kishte promovuar se dëgjueset Powerbeats 2 kanë jetëgjatësi të baterisë prej gjashtë orësh, derisa Powerbeats 3 deri në 12 orë, transmeton KP.
Por, kjo është demantuar nga disa konsumatorë, sipas të cilëve kufjet e blera nuk kanë këtë jetëgjatësi të baterisë.
Kompania Apple pret që të gjitha akuzat të hidhen poshtë, shkruan BBC.
Artikuj të ngjashëm