Platformave të rrjeteve sociale do t'u kërkohet të ndjekin udhëzimet rregullatore që mbrojnë gratë dhe vajzat nga abuzimi në internet sipas një ndryshimi në projektligjin e sigurisë në internet të paraqitur këtë javë në Londër.
Ndryshimi i propozuar do të kërkonte që Ofcom, mbikëqyrësi i komunikimit, të nxjerrë një kod praktike për parandalimin e dhunës ndaj grave dhe vajzave që platformat e rrjeteve sociale duhet të ndjekin, shkroi Guardian.
Një shembull praktik i mbështetur nga grupe duke përfshirë Carnegie UK, Refuge dhe NSPCC, kërkon që platformat e rrjeteve sociale të kryejnë një vlerësim të rrezikut sesi dizajni i shërbimeve të tyre mund të çojë në dëm ndaj grave dhe vajzave.
Departamenti i sapokrijuar për Shkencën, Inovacionin dhe Teknologjinë (DSIT) tha se projektligji kishte tashmë masa për t'u marrë me dhunën në internet kundër grave dhe vajzave. Legjislacioni do t'u kërkojë firmave të teknologjisë që të trajtojnë në mënyrë proaktive përmbajtjen dhe sjelljen e paligjshme, të tilla si sulmet kibernetike dhe pornografia.
Ai gjithashtu përmban dispozita për platformat e mëdha të rrjeteve sociale që lidhen me përmbajtjen që është e dëmshme, por jo kriminale, duke kërkuar që platformat më të mëdha t'u japin përdoruesve mundësinë për të hequr përmbajtjen mizogjene.
-
BE-ja do të kufizojë qasjen e fëmijëve në rrjetet sociale
-
Britania planifikon t’i detyrojë rrjetet sociale t’u japin përparësi lajmeve të besueshme
-
Facebooku dhe Instagrami akuzohen se nuk po bëjnë shumë për të mbrojtur fëmijët nën 13 vjeç
-
Si t'i mbroni fëmijët nga rrjetet sociale
-
Si duhet mbrojtur fëmijët nga rrjetet sociale?