Galaxy S23 dhe S23+ janë të pajisur me kamera të nivelit profesional, me sensorë të një rezolucioni të lartë dhe inteligjentë, pikselë që përthithin dritën për të realizuar foto të pastra në çdo orë, shkruan PC World.
Gjatë 13 vjetëve të fundit, Samsungu ka lansuar një telefon të ri Galaxy S. Në shkurt të këtij viti, u lansua seria Samsung Galaxy S23: Galaxy S23+ dhe Galaxy S23 dhe Galaxy S23 Ultra. Modeli Ultra është padyshim “ylli” i kësaj serie, por nga ana tjetër Galaxy S23 dhe S23+ janë telefona solid që ofrojnë një paketë të plotë specifikash për ata që duan të kursejnë para. Ja çfarë kanë të përbashkët Galaxy S23 dhe Galaxy S23+ dhe ku ndryshojnë ato.
Kamera mbresëlënëse e gjithanshme
Galaxy S23 dhe S23+ janë të pajisur me kamera të nivelit profesional, me sensorë të një rezolucioni të lartë dhe inteligjentë, pikselë që përthithin dritën për të realizuar foto të pastra në çdo orë.
Sistemi i kamerës së pasme përfshin një kamerë Wide Angle 50MP, e ndjekur nga një lente dytësore telefoto 10 MP me zmadhim optik 3x, së fundi një kamerë Ultra Wide 12 MP me një fushë shikimi 120 gradë për kapjen e imazheve më të gjera. E nëse jeni të interesuar për video, sistemi i kamerës së pasme mund të fotografojë deri në 8K me 30 fps ndërsa, kamera selfie 12MP arrin në 4K.
Duke ditur se kamerat selfie janë më të rëndësishme se kurrë për mënyrën se si komunikohet sot, seria Galaxy S23 ka prezantuar fokusimin automatik të shpejtë dhe kamerën e parë selfie Super HDR, duke kaluar nga 30 në 60 fps, për foto dhe video dukshëm më të mira në pjesën e përparme. Për më tepër, teknologjia Dual Pixel e kamerës së përparme përqendrohet më me shpejtësi dhe saktësi, edhe në ndriçim të ulët. Kjo bën që kamera e përparme e Samsung Galaxy S23 & S23+ të kapë me qartësi foto dhe video selfie edhe pasi dielli të perëndojë.
E për ata që i kushtojnë pak më shumë vëmendje fotografisë, aplikacioni Expart Raw në pajisjet Galaxy sjell opsione profesionale editimi në format RAW dhe JPEG.
Një ekran që përshtatet pavarësisht nivelit të dritës
Samsung Galaxy S23 vjen me një ekran 15.5 cenimetra me rezolucion Flat FHD+, ndërsa S23+ ka një ekran 16.7 cm, përsëri me një rezolucion Flat FHD+.
Të gjitha modelet e serisë Samsung Galaxy S23 kanë një ekran me cilësi të lartë që ofrojnë imazhe më të ndritshme dhe më të qarta. Ato janë të pajisur me një komoditetit të përmirësuar të Samsung Galaxy që i lejon përdoruesit të rregullojnë tonet e ngjyrave dhe nivelet e kontrastit. Eye Comfort Shield i mbron sytë të mos lodhen, edhe kur shikoni në errësirë. Gjithashtu, përforcuesi i vizionit tani rregullohet në tre nivele ndriçimi në vend të dy për të luftuar ndriçimin dhe shkëlqimin në dritën e ditës.
Jetëgjatësia e baterisë
Kjo seri është ndërtuar me një bateri të fuqishme që mban gjatë gjithë ditës. Për sa i përket kapacitetit të baterisë, S23 ka një bateri 3900mAh dhe S23+ ka një bateri 4700mAh. Dhe kur është koha për të karikuar, me karikuesin 45 W në Galaxy S23+, telefoni juaj do karikohet deri në 65% të kapacitetit të baterisë në vetëm 30 minuta.
Performanca Premium, ideale për Mobile Gaming
Një nga aspektet më të mira të Galaxy S23 është procesori. Të tre pajisjet fuqizohen nga platforma e re Qualcomm Snapdragon 8 Gen 2, platforma më e fuqishme dhe efikase ndonjëherë në një smartphone Samsung Galaxy dhe Snapdragon më i shpejtë i disponueshëm deri më sot. Ky harduer i vendos këta telefonë në krye të listës për mobile gamers.
Sistemi më i mirë i sigurisë
Siguria është gjithashtu një element i rëndësishëm i serisë Galaxy S23. Çdo telefon vjen me mbrojtje Samsung Knox, i cili ka marrë më shumë certifikata nga qeveritë dhe industritë se çdo pajisje, platformë ose zgjidhje tjetër celulare në treg. Për një nivel më të lartë sigurie, Knox Vault, i cili u prezantua për herë të parë në serinë Galaxy S21, mbron informacionin kritik në serinë Galaxy S23 duke e izoluar atë nga pjesa tjetër e pajisjes, përfshirë sistemin operativ, për mbrojtje shtesë.
© KOHA. Të gjitha të drejtat janë të rezervuara.
