Numri i njerëzve që përdorin rrjetin social Facebook çdo ditë është rritur në një mesatare prej dy miliardë në dhjetor, që është rreth një e katërta e popullsisë së botës, shkruan BBC.
Rritja është më e madhe se sa pritej dhe ka sjellë një optimizëm të ri në kompani, e cila është nën presion për shkak të rritjes së kostove dhe rënies së shitjeve të reklamave.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAksionet e kompanisë mëmë Meta u rritën me më shumë se 15 për qind pasi shefi Mark Zuckerberg shpalli vitin 2023 si “vit të efikasitetit”. Ai shtoi se është i fokusuar në uljen e shpenzimeve.
“Ne jemi në një mjedis tjetër tani”, ka thënë ai, duke treguar rënien e të ardhurave në vitin 2022, hera e parë në historinë e kompanisë pas viteve të rritjes dyshifrore.
“Ne nuk presim që kjo të vazhdojë, por gjithashtu nuk mendoj se do të kthehet në mënyrën si ishte”, shtoi Zuckerberg.
Meta, e cila zotëron gjithashtu Instagramin dhe WhatsAppin, njoftoi një ristrukturim të madh vitin e kaluar, duke përfshirë reduktimin e hapësirave për zyra dhe pushimin nga puna të 11 mijë punëtorëve, ose 13 për qind të stafit të saj. Këto lëvizje i kushtuan 4.6 miliardë dollarë vitin e kaluar, gjë që përfaqësonte një goditje për fitimet, të cilat pothuajse u përgjysmuan. Fitimi arriti në 23.2 miliardë dollarë.
“Viti 2022 ishte sfidues, por mendoj se e mbyllëm me përparim të mirë”, beson Zuckerberg.
Në tre muajt deri në dhjetor, kompania realizoi të ardhura prej 32.2 miliardë dollarësh, ose 4 për qind më pak se në të njëjtën periudhë të vitit të kaluar. Megjithatë, është një rezultat më i mirë se ai që pritej nga analistët.
Zuckerberg gjithashtu beson se kompania po bën përparim me produktin e saj, Reels, për ta rivalizuar TikTokun.